లేఖల (ఉత్తరాలు) ద్వారా మన మనసులోని భావాలను పంచుకునే వీలుండేది. ఉత్తరాల ద్వారానే మనుషుల అపార్ధాలు తొలగించడం, మనుషుల మధ్య దూరాలు తొలగిపోడం, స్నేహ బంధం పెరగడంలాంటివి జరిగేవి. ఇక ప్రేమలేఖల సంగతి చెప్పనక్కరలేదు. ఇప్పుడు ఆ ఉత్తరాలంటేనే తెలీనివాళ్ళు కూడా ఉన్నారు. ఒక ప్రేమలేఖని అందుకుని, ఆ రాసిన అమ్మాయి తనను ఎంతగా ప్రేమిస్తోందో అని, ఆ అమ్మాయినే పెళ్ళిచేసుకోవాలని వచ్చిన ప్రతి సంబంధాన్ని నిరాకరించాడు ఆనందరావు. చదువుపై శ్రద్ద లేక పరీక్షల్లో తప్పుతూ పొగరుబోతు పిల్లగా పేరు తెచ్చుకున్న అల్లరిపిల్ల స్వర్ణ. ఇష్టం లేక పోయిన పెద్దల మందలింపుతో ఆనందరావు స్వర్ణని పెళ్ళిచేసుకుని మొదటి రాత్రే స్వర్ణ చెప్పిన మాటలకి షాక్ తగిలి స్పృహ కోల్పోతాడు ఆనందరావు. అసలు ఏం జరిగిందో ? స్వర్ణ ఏం చెప్పిందో ? వినండి ప్రేమలేఖ లో.